महाराष्ट् विधानसभा निवडणुकीचा वाजला बिगुल,

गर्जा महाराष्ट्र २४ न्यूज वृत्तसेवा

मुंबई ता. १५ भारतीय निवडणूक आयोगाने आज दुपारी साडेतीन वाजता पत्रकार परिषद घेत महाराष्ट्र विधानसभा निवडणुकीचे वेळापत्रक जाहीर केले ,महाराष्ट्र विधानसभेची निवडणूक एकाच टप्यात होणार असून त्याची घोषणा आज राष्ट्रीय निवडणूक आयोगाने पत्रकार परिषदेत केली आहे. या पत्रकार परिषदेत घोषणा झाल्यानंतर राज्यात आचारसंहिता लागू झाली आहे.राज्यातील २८८ विधानसभा मतदार संघात ही निवडणूक होणार आहे.निवडणुकीचे आज वेळापत्रक जाहीर होताच आचारसंहिताही लागू होत आहेत. त्यामुळे राज्य सरकारला महत्त्वाच्या विकास कामांची आणि निर्णयांची घोषणा करता येणार नाही.

विधानसभा निवडणुकीचे मतदान २० नोव्हेंबरला होणार असून निकाल हा २३ नोव्हेंरला लागणार आहे.महाराष्ट्रात एकूण मतदार ९.६३ कोटी मतदार आहेत. यात पुरुष मतदारांची संख्या ४.९७ कोटी इतकी आहे.तर ४.६६ कोटी या महिला मतदार आहेत.यात २०.९९ लाख लोक हे पहिल्यांदा मतदान करणार आहे.

असा आहे निवडणूक कार्यक्रम
मतदानाची अधिसूचना – २२ ऑक्टोंबर २०२४ (गुरुवार)
उमेदवारी अर्ज भरण्याची तारीख – २९ ऑक्टोंबर २०२४ (गुरुवार)
उमेदारी अर्ज छाननी तारीख – ३० ऑक्टोंबर २०२४ ( शुक्रवार)
उमेदवारी अर्ज मागे घेण्याची तारीख – ४ नोव्हेंबर २०२४ ( सोमवार)
मतदानाची तारीख – २० नोव्हेंबर २०२४ ( बुधवारः)
मतमोजणीची तारीख – २३ नोव्हेंबर २०२४ (शनिवार)
मतदान प्रक्रिया समाप्ती – २५ नोव्हेंबर २०२४ (सोमवार)

शिवसेना आणि राष्ट्रवादीतील फुटीनंतर पहिलीच विधानसभा- राज्यातील 288 मतदासंघातील निवडणुकीत महाराष्ट्रात महाविकास आघाडी विरुद्ध महायुती विरोधात लढा असणार आहे.राष्ट्रवादी अजित पवार पक्ष, भाजपा,शिवसेना शिंदे पक्ष हे महायुतीत आहेत.तर राष्ट्रवादी शरद पवार पक्ष, काँग्रेस, शिवसेना ठाकरे हे महाविकास आघाडीत आहेत. मनसे स्वतंत्र निवडणूक लढविणार आहे. राष्ट्रवादी आणि शिवसेनेतील फुटीनंतर ही पहिलीच विधानसभा निवडणुका असणार आहे.या निवडणुकीच्या निकालावर माजी मुख्यमंत्री उद्धव ठाकरे आणि माजी केंद्रीय मंत्री शरद पवार यांचे राजकीय भवितव्य पणाला लागणार आहे.